उपत्यका पृतना हे.क्वा.का पृतनापति उपरथी श्री निरन्जन कुमार श्रेष्ठले मिति २०७६ मंसिर ११ गतेदेखि ऐ १६ गतेसम्म पृतना अन्तर्गत रहेका अपरेशन अण्डर कमाण्ड तथा अण्डर कमाण्डका नं.१ बाहिनी अड्डा, नं.१३ बाहिनी अड्डा, नं.१४ बाहिनी अड्डा, नं. १५ बाहिनी अड्डा र नं. १६ बाहिनी अड्डाहरुको निरीक्षण भ्रमण गर्नु भएको थियो । उक्त भ्रमण क्रममा बाहिनी अड्डाहरुको अप्रेशन तथा बन्दोबस्ती पक्षहरुको निरिक्षणको साथै बाहिनीपतिहरुले पेश गर्नु भएको कमाण्ड प्रतिबद्धतामा उल्लेखित विषयहरुमा भएको प्रगति बारे जानकारी लिनु भएको थियो । यस दौरान सकलदर्जाहरुको मोराल उच्च भएको एकिन गर्न तथा विभिन्न कार्यालय, विभागहरु, महानिर्देशनालयहरु तथा पृतनाबाट प्राप्त परिपत्रहरुको एकिन गर्न पृतनापतिबाट सकलदर्जाहरुलाई संबोधन समेत गर्नु भएको थियो ।

उपत्यका पृतना हे.क्वा. नारायणहिटीका पृतनापति उपरथी श्री निरञ्जनकुमार श्रेष्ठले कमाण्ड मार्ग निर्देशन २०७६ को लक्ष्य ५ को ५.४.१.५ (ग) मा उल्लेख भए अनुसार नं.१ बाहिनी लगायत प्रत्यक्ष अण्डर कमाण्डका शिक्षाधिकृत तथा गुल्मपतिहरु र उपत्यका पृतना हे.क्वा.स्टाफ अधिकृतहरु सम्मिलित गराई स्वार्थको द्वन्द्व, अधिकारको दुरुपयोग यौन जन्य शोषण र दुर्व्यवहार सम्बन्धि बिषयमा आधारित रहि यही मंसिर १३ गते नेतृत्व संवाद २०७६ कार्यक्रम संचालन गर्नु भएको थियो ।

साथै सोही दिन पृतनापति उपरथी श्री निरञ्जनकुमार श्रेष्ठले पृतना हे.क्वा.मा रहेको नेपाली सेनाद्वारा सञ्चालित क्यान्टिनमा कार्डको प्रयोग गरी भुक्तानी दिन डिजिटल प्रणालीको सुभारम्भ समेत गर्नु भएको थियो ।

"प्रधान सेनापति कमाण्ड मार्ग निर्देशन २०७५" को लक्ष्य नं. २ मा "नेपाली सेनाको लडाई लड्ने क्षमता अभिबृद्धि गर्ने" भन्‍ने उल्लेख भएको र सो को २.१.१.१. कार्यमा Operational Command स्थापना गर्न पहल गर्ने" भन्‍ने उल्लेख भए बमोजिम अपरशेनल कार्य प्रभावकारी बनाउन ३+१ कमाण्ड अवधारणा अनुरुप यहि मिति २०७६ कार्तिक ०३ गते उपत्का पृतना हे.क्वा. अन्तर्गत रहेको नं. २६ बाहिनी अड्डा लगायत सिन्धुपालचोक जिल्लामा अवस्थित गोरखबक्स गण र नं. २ जगदल गण तथा काभ्रेपलाञ्चोक जिल्लामा अवस्थित विष्णुदल गण मध्य पुर्वी पृतना हे.क्वा. लाई हस्तान्तरण गर्ने कार्य सम्पन्न भएको थियो । उक्त हस्तान्तरण समारोहमा उपत्यका पृतनाका पृतनापति उपरथी निरन्जनकुमार श्रेष्ठले मध्य पुर्वी पृतनाका पृतनापति उपरथी नरेश भट्टलाई नं.१ र २६ बाहिनीका बाहिनीपतिहरु तथा गणपतिहरु र पृतनाका स्टाफ अधिकृतहरुको उपस्थितिमा बाहिनीको झण्डा हस्तान्तरण गरी Handover गर्नु भएको थियो ।

पृतनापतिको कमाण्ड कम्प्याक्ट २०७६ को २.१.१.२ को ‘क’ को ५ मा पाक्षिकरुपमा मुल पण्डितबाट निर्देशिका अनुरुप धार्मिक प्रवचनको कार्यक्रम सञ्चालन गर्ने अभिप्राय अनुसार यही कार्तिक ०४ गते ०७०० बजेबाट ०८०० बजेसम्म पृतनापति उपरथी श्री निरन्जनकुमार श्रेष्ठको उपस्थितिमा नारायणहिटी ब्यारेक हाताभित्रका ३३७ जना सकलदर्जाहरु संलग्न गराई मोटिभेशनल कक्षा सञ्चालन गरिएको थियो ।

प्राविधिक तथा विविध सेवा तर्फका सकलदर्जाको स्तरोन्नति गर्न नारायणहिटी ब्यारेक हातभित्रका प्राविधिक अधिकृत, पदिक, बिल्लादार तथा अन्यदर्जाका ९९ जना सकलदर्जाहरु सम्मिलित गराई २०७६ कार्तिक १ गतेबाट ३ महिनासम्म संचालन हुने "सबैभन्दा पहिला हामी सिपाही कार्यक्रम (We are Soldiers' First Program)" को पृतनापति उपरथी निरञ्जन कुमार श्रेष्ठले शुभारम्भ गर्नु भएको थियो । उक्त कार्यक्रमको अवसर पृतनापतिले प्राविधिक तथा विविध सेवा सकलदर्जालाई सम्बोधन गर्दै सो कार्यक्रम मार्फत दिईने जानकारीमुलक शिक्षाले प्राविधिक तर्फका सकलदर्जाहरुलाई भविष्यमा आई पर्ने चुनौतीको सामना गर्न यस कार्यक्रमले महत्वपुर्ण भुमिका निर्वाह गर्ने कुरा बताउनु भएको थियो ।

प्रधान सेनापति ट्रफि २०७६ मा विभिन्न विधामा उत्कृष्ट खेल प्रर्शन गर्ने उपत्यका पृतना हे.क्वा. तथा अन्तर्गतका बाहिनी, गण तथा गुल्मका खेलाडीहरुलाई यही असोज २९ गते पृतनापति उपरथी निरञ्जन कुमार श्रेष्ठबाट एक कार्यक्रमको आयोजना गरी प्रोत्साहन स्वरुप नगर पुरस्कार तथा प्रशंसा-पत्र वितरण गर्नु भएको ।

मिति २०७६ असोज १६ गते नारायणहिटी ब्यारेकस्थित निर्देशनालय, शिक्षालय, गणहरु र गुल्मका सकलदर्जाहरु तथा श्री लक्ष्मी बैंकका कर्मचारीहरुको उपस्थितीमा उपत्यका पृतना हे.क्वा. को पेरिमिटर बाहिर लाजिम्पाट चोकदेखि नेपाल क्याभ्लरीको गेटसम्म ४७ बटा विभिन्न विरुवाहरु रोप्ने कार्य सम्पन्न भएको छ । उक्त वृक्षारोपण कार्यको लागि किर्तिदल गणको समन्वयमा काठमाडौ महानगरपालिकाले विरुवाहरु र श्री लक्ष्मी बैंकले Plant Cage हरु उपलब्ध गराई सहयोग गर्नु भएको थियो ।

२०७६ भदौ २५ गते प्लाष्टिक मुक्त कार्यलाई थप प्रभावकारी बनाउने उद्देश्यले यस पृतनाका पृतनापति उपरथी श्री निरन्जनकुमार श्रेष्ठको निर्देशन तथा पहलतामा यस पृतनाभित्र आउने सम्पुर्ण गेटहरुमा प्लाष्टिक ब्याग नियन्त्रण गर्नेको लागि पृतना हे.क्वा.ले आन्तरिक श्रोतबाट कपडाको झोलाहरुको ब्यवस्था गरेको छ ।

श्री उपत्यका पृतना हे.क्वाग.मा यही श्रावण २९ गतेको ०९०० बजेदेखि १५०० बजेसम्म पृतनापति, पृतना सह चिफ स्टाफहरु अन्तर्गतका बाहिनी अड्डा, निर्देशनालय, शिक्षालय, गण गुल्महरुका पतिहरु तथा स्टाफ अधिकृत गरी ७० जनाको सहभागितामा "कमाण्डर्स कन्फरेन्स-२०७६" सञ्चालन भएको छ। उक्त कन्फरेन्समा पृतना हे.क्वा. अन्तर्गत अण्डर कमाण्ड तथा अपरेशन अण्डर कमाण्डका बाहिनीहरुले पृतनाबाट निर्दिष्ट विभिन्न एजेण्डाहरुमा आ-आफ्नो प्रस्तुतिकरण प्रस्तुत गर्नुका साथै एजेण्डाहरुमा छलफल भएको छ।

'Division Commander Trophy-2076' concluded with closing remarks by Valley Division Commander Major General Niranjan Kumar Shrestha on 16 July 2019. Major General Shrestha presented certificates, medals, and trophy to No. 1 Brigade HQs, the winning team during the closing programme.

भक्तपुर जिल्ला सुर्यविनायक नगरपालिका वडा नं. ९ स्थित पलासे पञ्चकन्या देवि मन्दिर परिसरमा वीरदल गणले ५००० लि. क्षमताको खानेपानी टयांङ्की र विश्राम स्थलको पृतनापति उपरथी श्री निरञ्जन कुमार श्रेष्ठबाट मिति २०७६ साल अषाढ २३ गते एक समारोहको बीच उद्घाटन गरी सत्तल पञ्चकन्या देवि संरक्षण समितिलाई हस्तान्तरण गर्नु भएको थियो ।

मिति २०७६ असार २० गते विष्णुदल गणले काभ्रे जिल्लाको नमोबुद्ध नगरपालिका-२ बुचाकोटस्थित जनकल्याण माध्यामिक बिद्यालय परिसरमा निर्माण गरेको खेल मैदानको पर्खाल, भलिबल कोर्ट, टेबुल टेनिस बोर्ड, अन्य खेलकुद पूर्वाधारहरु, सरस्वति मन्दिर तथा पुस्तकालयको लागि पुस्तकहरु, उपत्यका पृतना हे.क्वा.का पृतनापति उपरथी श्री निरञ्जन कुमार श्रेष्ठले उक्त बिद्यालयका व्यबस्थापन समितिका अध्यक्ष लाई हस्तान्तरण गर्नु भएको छ । सोही अवसरमा पृतनापति श्री श्रेष्ठले बिद्यालय परिसरमा बृक्षारोपण पनि गर्नुभएको थियो ।

उपत्यका पृतना हे.क्वा. नारायणहिटीका पृतनापति उपरथी श्री निरन्जनकुमार श्रेष्ठले भब्य समारोहका बीच अषाढ १७ गते "पृतनापति ट्रफि २०७६" को समुद्घाटन गर्नु भएको छ । यस पृतनाको अण्डर कमाण्ड तथा अप्रेशनल अण्डर कमाण्डमा रहेका सम्पूर्ण बाहिनीपतिहरु, निर्देशक, शिक्षाधिकृत, गण तथा गुल्मपतिहरुको उपस्थिति रहेको उक्त ट्रफि अगामी भदौमा सञ्चालन हुने प्रधानसेनापति ट्रफि २०७६ को तयारी हुनुका साथै यस्तो ट्रफिहरुबाट नेपाली सेनाले आफ्नो संस्थाको लागि मात्र नभई सम्पूर्ण राष्ट्रको लागि खेलाडीहरु उत्पादन गर्न सहयोग पुर्याएको छ ।

उक्त उद्घाटन समारोहमा नं. १ र २६ बाहिनीहरुका खेलाडीहरुबाट कवाज तथा झाँकी प्रदर्शन, अति विशिष्ट ब्यक्ति सुरक्षा निर्देशनालयबाट जुडो प्रदर्शन र श्री सैनिक ब्याण्ड गुल्मबाट ब्याण्ड डिस्प्ले गरिएको थियो ।

श्री प्रधान सेनापतिको "कमाण्ड मार्ग निर्देशन २०७५" मा उल्लेखित ''राशनको स्तर बृद्धि गर्ने'' तथा Hygiene and Sanitation को स्तर थप सुधार गर्दै जाने लक्ष्यलाई कार्यान्वयन गर्ने क्रममा उपत्यका भित्रका विभिन्न यूनिटहरुलाई ताजा राशन सप्लाई गर्न श्री उपत्यका पृतना हे.क्वा. भित्र तयार गरिएको कोल्ड स्टोरेजको मिति २०७६ असार ११ गते उक्त पृतनाका पृतनापति उपरथी श्री निरन्जन कुमार श्रेष्ठले उद्घाटन गर्नु भएको छ ।

पृतनापति उपरथी श्री निरन्जन कुमार श्रेष्ठले मिति २०७६ जेष्ठ २७ गतेबाट आषाढ ०४ गतेसम्म पृतना हे.क्वा. अन्तर्गत नं.१ बाहिनी अड्डा (बालाजु) लगायत गोरख बहादुर गण (नारायणहिटी), दुर्गाबक्स गण (नारायणहिटी), दि फेमस महिन्द्रदल गण (टोखा), शम्शेरदल गण (लिपिकोट), चण्डीदल गण (सिंहदरवार) र रणभैरव गण (हनुमानढोका) को निरीक्षण भ्रमण गर्नु भएको थियो । उक्त भ्रमणको क्रममा पृतनापतिबाट जिम्मेवारी क्षेत्रको बस्तुस्थिति बारे जानकारी लिनुका साथै प्रधानसेनापतिको कमाण्ड मार्ग निर्देशन २०७५ मा उल्लेख भए अनुसारका कार्यहरुको प्रगति विवरणको साथै क्वाटर गार्ड, जवान लाईन, भान्छा, शौचालय, अफिस आदिको निरीक्षण गर्नु भएको थियो । उक्त निरिक्षणको दौरान बाहिनीपति तथा युनिटपतिहरुबाट बस्तुस्थिति प्रतिवेदन, पृतनापतिबाट सकलदर्जाहरुलाई सम्बोधन तथा अन्तरक्रिया, तथा बाहिनी अड्डा र प्रत्येक युनिटहरुबाट १५/१५ जना सकलदर्जाहरुबाट नेपाली सेनामा हाल विद्यमान नीति निर्देशन, परिपत्र, बन्दोवस्ती, शा.से. तथा अन्य विविध विषयहरुमा प्रश्ना वली तयार गरी सर्भे समेत गरिएको थियो ।

श्री उपत्यका पृतना हे.क्वा. मा कार्यरत नं. २६८५५० हु.क. निर्मल सुनारको यहि मिति २०७६ साल जेष्ठ १९ गतेको दिन श्री वीरेन्द्र सैनिक अस्पताल, छाउनीमा उपचारको क्रममा दिवंगत हुनु भएको १३ औं दिनको पूण्य तिथीमा पृतनापति उपरथी श्री निरन्जन कुमार श्रेष्ठ लगायत अधिकृत, पदिक, बिल्लादार तथा अन्यदर्जाहरुको उपस्थितिमा मौन धारण गरी दिवंगत आत्माको चिर शान्तिको कामना गर्नु भएको थियो ।

२०७६ जेठ २५ गते ईन्जिनियरिङ विभाग, आपूर्ति तथा परिवहन निर्देशनालय, चण्डीदल गण, रणभैरव गण र नं. २५ बाहिनी अड्डाले स्थानीयसँगको सहकार्यमा टुकुचा खोलाको सफाई गरेको थियो ।

पृतनापति उपरथी श्री निरन्जन कूमार श्रेष्ठले मिति २०७६ जेष्ठ २१ र २२ गते पृतना हे.क्वा. अन्तर्गत नं.२६ बाहिनी अड्डा (भकुण्डेबेशी) तथा अण्डर कमाण्ड र अपरेशनल अण्डर कमाण्डका गोरखबक्स गण (चौतारा), नं. २ जगदल गण (मेलम्ची) र विष्णुदल गण (धुलीखेल) को निरीक्षण भ्रमण गर्नु भएको थियो । उक्त भ्रमणको क्रममा पृतनापतिबाट जिम्मेवारी क्षेत्रको बस्तुस्थिति बारे जानकारी लिनुका साथै प्रधानसेनापतिज्युको कमाण्ड मार्ग निर्देशन २०७५ मा उल्लेख भए अनुसारको कार्यहरुको प्रगति विवरणको साथै क्वाटर गार्ड, जवान लाईन, भान्छा, शौचालय, अफिस आदिको निरीक्षण गर्नु भएको थियो । उक्त निरिक्षणको दौरान बाहिनीपति तथा युनिटपतिहरुबाट बस्तुस्थिति प्रतिवेदन, पृतनापतिबाट सकलदर्जाहरुलाई सम्बोधन तथा अन्तरक्रिया, अन्तर्गतका पतिहरुलाई विभिन्न निर्देशनहरु दिनुका साथै श्री विष्णूदल गणको प्राङ्गणमा विश्व बातावरण दिवसको उपलक्ष्यमा बृक्षारोपण समेत गर्नु भएको थियो ।

उपत्यका पृतनाको पृतनापति उपरथी श्री शशि चन्द्र बहादूर सिंहले आप्mनो कार्य सफलतापूर्वक सम्पन्न गरी यहि जेष्ट ९ गते एक समारोहको बीच नव नियुक्त पृतनापति उपरथी श्री निरन्जन कुमार श्रेष्ठलाई पृतनाको कार्यभार बुझाउनु भएको थियो । उक्त समारोहमा यस पृतनाका डाइरेक्ट र अपरेशनल अण्डर कमाण्डका सम्पूर्ण बाहिनीपतिहरु, गणपतिहरु, शिक्षाधिकृतहरु तथा अन्य अधिकृत, पदिक, बिल्लादार र अन्य दर्जाहरुको उपस्थिति रहेको थियो ।

उपत्यका पृतना हे.क्वा., नारायणहिटीमा निर्माणाधिन रहेको कोल्ड स्टोरेजको उपत्यका पृतना हे.क्वा. लगायत राशन एट्याच रहेको ६३ वटा यूनिटहरुले एक समारोहको बीच २०७६ बैशाख २७ गते प्रारम्भिक अवलोकन गर्नु भएको थियो । उक्त कार्यक्रममा पृतनापति लगायत उक्त ठेकेदारद्वारा राशन वितरण गरिने सम्पूर्ण यूनिटहरुको पति, अधिकृत, पदिक, विल्लादार तथा अन्य दर्जा गरी करिब २५० जनाले अवलोकन गर्नु भएको थियो ।

यूद्धकार्य महानिर्देशनालयका महानिर्देशक उपरथी प्रभुराम शर्माको नेतृत्वमा १/१६ टोलीले उपत्यका पृतना हे.क्वा.मा चैत्र २० गते युद्धकार्य तयारीपन निरीक्षण गर्नु भएको थियो । उक्त निरीक्षणको दौरान जिम्मेवारी क्षेत्रको बस्तूस्थिति प्रतिवेदन, पृतनापतिज्यूको कमाण्ड प्रतिबद्धतामा उल्लेखित कार्यहरु, कोत, क्लोदिङ्ग स्टोर, राशन स्टोर, डिफेन्स स्टोर, जवान लाईन, जवान भान्छा, कार्यालय तथा विविध पक्षहरुको निरीक्षण गर्नु भएको थियो ।

२०७५ फागुन २६ गते नंा.१ वाहिनी अड्डा र शम्शेरदल गणले संयुक्तरुपमा नेपालटारस्थित नेपाल राष्ट्रिय माध्यमिक विद्यालयमा विभिन्न सांस्कृतिक कार्यक्रम, नेपाली सेना सम्वन्धी भिडियो प्रदर्शन तथा जेहेन्दार विद्यार्थी र भलिवल खेलमा विजयी तथा भलिवल प्रशिक्षण कार्यक्रममा सहभागी विद्यार्थीहरुलाई पुरस्कार वितरण गर्नुको साथै उक्त विद्यालयलाई खेल सामाग्री समेत वितरण गरेको थियो ।

त्यसैगरी, रणचण्डी गणले भक्तपुर जिल्ला, चागुनारायण न.पा. वडा नं.६ स्थित चुनादेवी आधारभुत विद्यालयका छात्रहरुसंग मैत्रीपुर्ण भलिबल खेलको आयोजना गरी खेलमा सहभागी विद्यार्थीहरुलाई पुरस्कार वितरण र विद्यालयलाई खेलकुदका सामाग्रीहरु हस्तान्तरण गर्नुका साथै नेपाली सेना सम्बन्धि डकुमेन्ट्री पनि प्रदर्शनी गरेको थियो।

यस पृतना अन्तर्गतका बाहिनी अड्डा, गण, शिक्षालय तथा गुल्मका २३ जना अधिकृतहरुलाई Google Earth को माध्यमबाट Information Collection, Terrain Analysis, On Ground Planning गर्न सक्षम बनाउनूको साथै Information Sharing अन्तर्गतका बाहिनी तथा गणहरुको AOR को Review र ईण्ट सम्बन्धि अन्य एजेण्डाहरु माथि छलफल गर्ने उद्देश्यले पृतना हे.क्वा. को आन्तरिक श्रोत साधन प्रयोग गरी मिति २०७५।११।२२ र २३ गते SN 2 Global Information System in Google Earth तालिम संचालन गरिएको थियो ।

यस पृतना हे.क्वा. का पृतनापति उपरथी शशि चन्द्र बहादुर सिंहले मिति २०७५ फागून ०३ गते नं. १६ बाहिनी अड्डा अन्तर्गत नं. २ जगदल गण मेलम्चीको निरीक्षण भ्रमण गर्नु भएको थियो । उक्त भ्रमणको क्रममा प्रधानसेनापतिको कमाण्ड मार्ग निर्देशन २०७५, पृतनापति कमाण्ड प्रतिबद्धता २०७५, बाहिनीपति कमाण्ड प्रतिबद्धता २०७५ तथा गणपति कमाण्ड प्रतिबद्धता २०७५ मा उल्लेख भएको कार्यहरुको कार्य प्रगति विवरणका तथा गणको आफ्नो जिम्मेवारी क्षेत्रको बस्तुस्थिति बारे जानकारी लिनुका साथै पृतनापतिज्यूबाट विभिन्न भौतिक संरचना लगायत ब्यारेक परिसरको निरिक्षण गर्नू भएको थियो । साथै, सोही अवसरमा पृतनापतिबाट सकल दर्जाहरुलाई सम्बोधन समेत गर्नु भएको थियो ।

यस पृतना हे.क्वा. का पृतनापति उपरथी शशि चन्द्र बहादुर सिंहज्यूले मिति २०७५ माघ १६, १७, १८ र २० गते क्रमशः नं. १ बाहिनी अड्डा अन्तर्गत दुर्गाबक्स गण, गोरख बहादुर गण, चण्डीदल गण र नं. १३ बाहिनी अड्डा अन्तर्गतको भैरब गणको निरीक्षण भ्रमण गर्नु भएको थियो । उक्त भ्रमणको क्रममा प्रधानसेनापतिको कमाण्ड मार्ग निर्देशन २०७५, पृतनापति कमाण्ड प्रतिबद्धता २०७५, बाहिनीपति कमाण्ड प्रतिबद्धता २०७५ तथा गणपति कमाण्ड प्रतिबद्धता २०७५ मा उल्लेख भएको कार्यहरुको कार्य प्रगति विवरणका तथा गणपतिहरुको आ-आफ्नो जिम्मेवारी क्षेत्रको बस्तुस्थिति बारे जानकारी लिनुका साथै पृतनापतिज्युबाट विभिन्न भौतिक संरचना लगायत ब्यरेक परिसरको निरिक्षण गर्नु भएको थियो । साथै, सोही अवसरमा पृतनापतिज्यूबाट सकल दर्जाहरुलाई सम्बोधन समेत गर्नु भएको थियो ।

यस पृतना हे.क्वा. का पृतनापति उपरथी शशि चन्द्र बहादुर सिंहले मिति २०७५ माघ १५ गते नं. १ बाहिनी अड्डा अन्तर्गतको दि फेमश महिन्द्रदल गण र शम्सेरदल गणको निरीक्षण भ्रमण गर्नु भएको थियो । उक्त भ्रमणको क्रममा प्रधानसेनापतिको कमाण्ड मार्ग निर्देशन २०७५, पृतनापति कमाण्ड प्रतिबद्धता २०७५, बाहिनीपति कमाण्ड प्रतिबद्धता २०७५ तथा गणपति कमाण्ड प्रतिबद्धता २०७५ मा उल्लेख भएको कार्यहरुको कार्य प्रगति विवरणका तथा गणपतिहरुको आ-आफ्नो जिम्मेवारी क्षेत्रको बस्तुस्थिति बारे जानकारी लिनुका साथै पृतनापतिबाट विभिन्न भौतिक संरचना लगायत ब्यारेक परिसरको निरिक्षण गर्नु भएको थियो । साथै, सोही अवसरमा पृतनापतिबाट सकल दर्जाहरुलाई सम्बोधन समेत गर्नु भएको थियो ।

उपत्यकापृतना हे.क्वा.का पृतनापति उपरथी शशिचन्द्र बहादुर सिंहले मिति २०७५ माघ १३ गते पृतना हे.क्वा. अन्तर्गत नं.१५ बाहिनी अड्डाको निरीक्षण भ्रमण गर्नु भएको थियो । उक्त भ्रमणको क्रममा पृतनापतिबाट जिम्मेवारी क्षेत्र तथा गतिविधिहरुको बस्तुस्थिति बारे जानकारी लिनुका साथै प्रधानसेनापतिज्यूको कमाण्ड मार्ग निर्देशन २०७५, पृतनापतिको कमाण्ड प्रतिबद्धता २०७५ र त्यस बाहिनी अड्डाको बाहिनीपतिको कमाण्ड प्रतिबद्धता २०७५ मा उल्लेख भए अनुसारको कार्यहरुको कार्यान्वयनको अवस्था बारे जानकारी लिनुका साथै क्वाटर गार्ड, पि.ए. स्टोर, V-Sat Hub, Laundry House, Bakery House, लेक्चर हल, जवानलाईन, अफिस र जवान भान्छा घरको निरीक्षण गर्नु भएको थियो । साथै उक्त निरिक्षणको दौरान पृतनापतिबाट सकलदर्जाहरुलाई सम्बोधन समेत गर्नु भएको थियो ।

यस पृतना अन्तरगत विभिन्न नियुक्ति पदमा रही आफूलाई प्राप्त जिम्मेवारी उत्कृष्ट ढंगबाट सम्पन्न गरेको र आफ्नो कार्यकाल पूरा गरी नेपाली सेनाद्वारा निर्दिष्ट अन्य जिम्मेवारी बहन गर्न विभिन्न विभाग, कार्यालय, पृतना, बाहिनी, गण तथा गुल्ममा सरुवा भई जानु हुने रथीबृन्द तथा अधिकृत बर्गहरुको यहि मिति २०७५ साल माघ ४ गते एक समारोहको दौरान यस पृतनाका पृतनापति श्री शशि चन्द्र बहादुर सिंह ज्यूबाट प्रशंसा पत्र, कदर पत्र तथा सम्झना स्वरुप पृतनाको Memento प्रदान गरी विदाई कार्यक्रम सम्पन्न भएको थियो ।

श्री उपत्यका पृतना हे.क्वा. अन्तर्गत श्री उपत्यका पृतना तालिम शिक्ष्ालय नारायणहिटीमा सञ्चालन भएको सि.सं १४ सैन्य आधार तालिमको मिति २०७५ पौष ०२ गते अन्तिम दलेल कवाज निरिक्षण गर्दै यस पृतनाका पृतनापति श्री शशी चन्द्र बहादूर सिंहज्यूले एक समारोहका बीच समापन गर्नू भएको थियो ।

उक्त तालिममा ९६ जना सहभागीहरुलाई सम्बोधन गर्दै प्रथम हूने सिपाही गूणराज गोलेलाई पृतनापतिज्युबाट खुकुरी प्रदान गर्नुको साथै विभिन्न विधाहरुमा प्रथम हूने सिपाहीहरुलाई समेत पूरस्कृत गर्नू भएको थियो ।

उपत्यका पृतना हे.क्वा.मा मिति २०७५/०९/०१ गते श्रीमान् प्रधानसेनापतिको निर्देशन बमोजिम यस पृतना अन्तर्गतका बाहिनीपति, पृतना हे.क्वा. को चिफ अफ स्टाफ, सह चिफ अफ स्टाफहरु तथा अन्य स्टाफहरु र राष्ट्रिय सूरक्षा परिषदका स्टाफहरु लगायत २४ जनाको उपस्थितिमा नेतृत्व संवाद कार्यक्रम सम्पन्न भएको थियो । उक्त संवादको दौरान पृतनापति उपरथी शशि चन्द्र बहादुर सिंहबाट उपहार लिने दिने प्रचलन, आर्थिक अनियमितता (भ्रष्टाचार) र भनसुन बिषयहरुमा उदाहरण सहितको प्रस्तूतिकरण र छलफल कार्यक्रम सहित सवैलाई सचेत एवम् सतर्क गराई अन्तर्गतका सम्पूर्ण सकलदर्जाहरुलाई समेत उक्त बिषयमा जानकारी गराउने निर्देशन दिनु भएको थियो ।

उपत्यका पृतना हे.क्वा.मा मिति २०७५÷०९÷०१ गते श्रीमान् प्रधानसेनापतिको निर्देशन बमोजिम यस पृतना अन्तर्गतका बाहिनीपति, पृतना हे.क्वा. को चिफ अफ स्टाफ, सह चिफ अफ स्टाफहरु तथा अन्य स्टाफहरु र राष्ट्रिय सूरक्षा परिषदका स्टाफहरु लगायत २४ जनाको उपस्थितिमा नेतृत्व संवाद कार्यक्रम सम्पन्न भएको थियो । उक्त संवादको दौरान पृतनापति उपरथी शशि चन्द्र बहादुर सिंहबाट उपहार लिने दिने प्रचलन, आर्थिक अनियमितता (भ्रष्टाचार) र भनसुन बिषयहरुमा उदाहरण सहितको प्रस्तूतिकरण र छलफल कार्यक्रम सहित सवैलाई सचेत एवम् सतर्क गराई अन्तर्गतका सम्पूर्ण सकलदर्जाहरुलाई समेत उक्त बिषयमा जानकारी गराउने निर्देशन दिनु भएको थियो ।

श्री उपत्यका पृतना हे.क्वा.ले प्रधान सेनापतिज्युको "कमाण्ड मार्ग निर्देशन २०७५" को लक्ष्य "२" अन्तर्गत २.७.१.१ मा उल्लेखित "साईवर सुरक्षाका लागि उपयुक्त संरचना तयार गर्ने" कार्यलाई साकार पार्न "पृतनापति कमाण्ड प्रतिबद्धता २०७५" को २.७.१.१ अन्तर्गत 'क' मा उल्लेखित "पृतना तथा अन्तर्गतमा साईवर सुरक्षा सचेतना कार्यक्रम संचालन गर्ने" भन्ने Implied Task को अभिप्राय अनुरुप यहि मिति २०७५ साल मंसिर २१ गते यस पृतना हे.क्वा. अन्तर्गत नं.१, १३, १४, १५, १६, २६ बाहिनी अड्डा, शिक्षालय, गण तथा गुल्महरुका अधिकृत २४ पदिक ४० र बिल्लादार तथा अन्यदर्जा १०३ गरी जम्मा १६७ लाई सम्मिलित गराई सूचना प्रविधि महाशाखाका विज्ञ अधिकृतहरुद्वारा साईबर सुरक्षा सम्बन्धी सचेतना मुलक प्रस्तुतिकरण गराइएको थियो ।

१. श्री उपत्यका पृतना हे.क्वा.ले प्रधान सेनापतिज्युको "कमाण्ड मार्ग निर्देशन २०७५” को लक्ष्य '६' अन्तर्गत ६.६.२.३ मा उल्लेखित “नेपाली सेनाको छबि अभिबृद्धि गर्नको लागि सचेतना कार्यक्रमहरु संचालन गर्ने” कार्यलाई साकार पार्न “पृतनापति कमाण्ड प्रतिबद्धता २०७५” को ६.६.२.३ अन्तर्गत 'ग' मा उल्लेखित “बिद्यालय तथा कलेजका बिद्यार्थीहरुलाई आकर्षित गर्न कार्यक्रम संचालन गर्ने” भन्ने Implied Task को आशाय अनूरुप यहि मिति २०७५ साल मंसिर ६ गते Kathmandu Valley School, महाराजगञ्जको कक्षा ८, ९ र १० का छात्र ३१ र छात्रा ३८ गरी जम्मा ६९ र John Dewey School का कक्षा ५, ६, ७, ८, ९ र १० का छात्र ५३ र छात्रा ४३ गरी जम्मा ८६ जना बिद्यार्थी लगायत ११ जना शिक्षक, शिक्षिकाहरुलाई सम्मिलित गराई श्री उपत्यका पृतना हे.क्वा.को भिजिट सम्पन्न गराइएको थियो ।

२. उक्त फिल्ड भिजिट कार्यक्रममा बिद्यार्थीहरुलाई नेपाली सेनाको संरचना र निर्वाह गर्ने भूमिकाहरु, पशूबाट सर्ने रोग तथा रोकथामका उपायहरु र Mind Risk Education (MREd) को प्रस्तूतिकरण तथा नेपाली सेना, MREd तथा आर्टिलरी सम्बन्धि भिडियोहरुको साथै श्री नं.१ बाहिनी अड्डाबाट तेक्वान्दो, मास पि.टि., खूकूरी ड्रिल समेत प्रदर्शन भएको थियो । सोही कार्यक्रमको दौरान श्री सैनिक ब्याण्ड गूल्मबाट ब्याण्ड डिस्प्ले, श्री शार्दूलजंग गूल्मबाट ऐतिहासिक पोशाकमा ड्रिल प्रदर्शन, उपत्यका तालिम शिक्षालयबाट अब्स्टेकल क्रसिङ्ग तथा Banyonet Training (BT) को डेमोन्सट्रेशन, नं.१३, १४, १५ र १६ बाहिनी अड्डाबाट क्रमशः आर्टिलरी गन तथा ईक्वीप्मेन्ट, Disaster Rescue सम्बन्धि Equipment तथा बम डिस्पोजल सम्बन्धि डेमोस्ट्रेशन प्रदर्शन, सिग्नल ईक्यूप्मेण्ट तथा AD गन तथा Equipment डिस्प्ले गरी अन्त्यमा नेपाल क्याभलरीको Visit संचालन गराइएको थियो ।

उपत्यका पृतना हे.क्वा. मा मिति २०७५ कार्त्तिक १८ गते पृतनापति उपरथी शशि चन्द्र बहादुर सिंहज्यु लगायत अन्तर्गतका सम्पुर्ण बाहिनीपति, गणपति, गूल्मपति, स्टाफ अधिकृत तथा अपरेशन अधिकृतहरुको सहभागीतामा "BDE Commander's Conference 2075" सम्पन्न भएको थियो । उक्त BDE Commander's Conference को दौरान यस पृतना हे.क्वा.का चिफ अफ स्टाफले स्वागत मन्तव्य ब्यक्त गर्नु भएको थियो । सोही क्रममा यस पृतना हे.क्वा.का सहायक चिफ अफ स्टाफ (अप्स) ले आफ्नो जिम्मेवारी क्षेत्रको Operational, Intelligence, बन्दोबस्ती सम्बन्धि जानकारी गराउनु भएको थियो ।

यस पृतना हे.क्वा.का पृतनापति उपरथी श्री शशि चन्द्र बहादुर सिंहले मिति २०७५ असार २९ गते पृतना हे.क्वा. अन्तर्गत नं. २६ बाहिनी अड्डाको निरीक्षण भ्रमण गर्नु भएको थियो । उक्त भ्रमणको क्रममा पृतनापतिद्वारा जिम्मेवारी क्षेत्रको बस्तुस्थिति बारे जानकारी लिनुका साथै क्वार्टरगार्ड, जवान मनोरञ्जन हल, पदिक मेश डाईनिéहल, पाहुना घर, जवानलाईन, कारखानालाईन, बंकर घर, अफिस, अधिकृत मेश डाईनिéहल र जवान भान्छा घरको निरीक्षण गर्नु भएको थियो । सोही अवसरमा पृतनापतिज्युले सकलदर्जाहरुलाई सम्बोधन समेत गर्नु भएको थियो ।

यस पृतना हे.क्वा.का पृतनापति उपरथी श्री शशि चन्द्र बहादूर सिंहले मिति २०७५ आषाढ २६ गते पृतना हे.क्वा. अन्तर्गत श्री नं.१६ बाहिनी अड्डाको निरीक्षण भ्रमण गर्नु भएको थियो । उक्त भ्रमणको क्रममा पृतनापतिज्युद्वारा जिम्मेवारी क्षेत्रको बस्तुस्थिति बारे जानकारी लिनुका साथै क्वाटर गार्ड, जवान मनोरञ्जन हल, पदिक मेश डाईनिङ्ग हल, पाहुना घर, जवान लाईन, कारखाना लाईन, बंकर घर, अफिस, अधिकृत मेश डाईनिङ्ग हल र जवान भान्छँ घरको निरीक्षण गर्नु भएको थियो । सोही अवसरमा पृतनापतिज्युबाट सकल दर्जाहरुलाई सम्बोधन समेत गर्नु भएको थियो ।

श्री उपत्यका पृतना हे.क्वा. अन्तर्गतका निर्देशनालय, बाहिनी अड्डा, गण, शिक्षालय तथा गूल्मका यूवक अधिकृतहरुलाई सूचना तथा प्रविधि अन्तर्गत Google Earth को माध्यबाट Information Collection, Trn Analysis, On Ground Planning गर्न सक्षम बनाउनका साथै ब्यवहारिक ज्ञानमा समेत टेवा पूर्‍याउने हेतूले पृतना हे.क्वा.को आन्तरिक श्रोत साधन प्रयोग गरी मिति २०७५।०२।३१ गतेबाट मिति २०७५।०३।०१ गतेसम्म Information Sharing गर्ने उद्देश्य अनूरुपमा Global Information System in Google Earth तालिम संचालन गरिएको थियो । उक्त तालिममा अन्तर्गत यूनिटहरुबाट २५ जना शिक्षार्थी अधिकृतहरुको सहभागिता रहेको थियो ।

यस पृतना हे.क्वा.का पृतनापति उपरथी श्री शशि चन्द्र बहादूर सिंहज्युले मिति २०७५ जेष्ठ ३१ गते पृतना हे.क्वा. अन्तर्गत श्री नं.१३ बाहिनी अड्डा तथा श्री राजदल गणको निरीक्षण भ्रमण गर्नु भएको थियो । उक्त भ्रमणको क्रममा श्री नं.१३ बाहिनी अड्डाका बाहिनीपतिज्युबाट पृतनापतिज्यु समक्ष जिम्मेवारी क्षेत्रको बस्तूस्थिति बारे जानकारी गराउनुको साथै पृतनापतिज्युले श्री राजदल गको क्वाटर गार्ड, कोत, गनपार्क, जवानलाईन, अपरेशन रुम, जवान सेन्ट्रल मेश र अधिकृत सेन्ट्रल मेशको निरीक्षण गर्नु भएको थियो । सोही अवसरमा पृतनापतिज्युबाट सकल दर्जाहरुलाई सम्बोधन समेत गर्नु भएको थियो ।

यस पृतना हे क्वा.का पृतनापति उपरथी श्री शशि चन्द्र बहादूर सिंहले मिति २०७५ जेष्ठ २९ गते पृतना हे.क्वा. अन्तर्गत श्री नं १ बाहिनी अडडाको निरीक्षण भ्रमण गर्नू भएको थियो । उक्त भ्रमणको क्रममा पृतनापतिज्युद्वारा जिम्मेवारी क्षेत्रको बस्तूस्थिति बारे जानकारी लिनूका साथै क्वाटर गार्ड, जवान मनोरञ्जन हल, पदिक मेश डाईनिङ्ग हल, पाहूना घर, महादेव खोला जवान लाईन, कारखाना लाईन, कोरिडोर, बंकर घर, अफिस, अधिकृत मेश डाईनिé हल र जवान भान्छाँ घरको निरीक्षण गर्नू भएको थियो । सोही अवसरमा पृतनापतिज्युबाट बाहिनी हे.क्वा.मा पूनः निर्मित यूद्धकार्य कक्ष तथा लेक्चर हलको समूद्घाटन गर्नूका साथै सकल दर्जाहरुलाई सम्बोधन समेत गर्नू भएको थियो ।

१. United States Army Pacific (USARPAC) को Deputy Commanding General for US Army Indo Pacific Command, Major General Roger J. Noble को नेतृत्वमा दुई दिने भ्रमणको क्रममा आउनु भएका सैनिक सहचारी सहितको चार सदस्यीय टोलीले यहि मिति २०७५ जेष्ठ २४ गते श्री उपत्यका पृतना हे.क्वा., नारायणहिटीमा भएको भ्रमणको दौरान पृतनापति उपरथी श्री शशि चन्द्र बहादुर सिंहसंग भेटघाट गर्नु भई सुरक्षा स्थिती र आपसी हितको बिषयमा छलफल गर्नु भएको थियो ।

२. साथै, उक्त भेटघाटको दौरान पृतना सह चिफ अफ स्टाफ (अप्स) महा सेनानी नारायण सिल्वालले पृतनाको जिम्मेवारी क्षेत्रको बस्तुस्थिती प्रतिवेदन प्रस्तुत गर्नु भएको थियो । तत्पश्चात नारायणहिटी संग्रहालयको Museum समेतको भ्रमण गर्नु भएको थियो ।

१. श्री उपत्यका पृतना हे.क्वा. मा यही मिति २०७५ जेठ १८ गते पृतना हे.क्वा. अन्तर्गतका सम्पुर्ण पतिहरुलाई सहभागी गराई Commander's Conference सम्पन्न भएको थियो ।

२. उक्त Commander's Conference को दौरान पृतनापतिज्युबाट नयां गणपतिहरुलाई आफ्नो जिम्मेवारी क्षेत्रको Operational, Intelligence, बन्दोबस्ती सम्बन्धि जानकारी तथा आफ्नो Intent र Command Directive बितरण गराई अन्तर्गतका पतिहरुबीच परिचयात्मक कार्य र Information Sharing को कार्य सम्पन्न भएको थियो ।

१. श्री उपत्यका पृतना हे.क्वा. मा पृतनापति ट्रफी अन्तर्गत तेक्वान्दो खेलका विभिन्न ईभेण्टहरुमा यही मिति २०७५ जेठ ११ गते भएको फाईनल खेलमा प्रथम, द्धितिय र तृतिय हुने (महिला तथा पुरुष) बिजयी खेलाडीहरुलाई पृतनापतिज्युबाट पृतनापति ट्रफी समापन समारोहकाबीच ट्रफी, मेडल तथा प्रमाण-पत्र बितरण गर्नु भएको थियो ।

२. उक्त समारोहको दौरान भएको ह्याण्डबल फाईनल खेलमा श्री वीरदल गणले श्री महेन्द्रदल गणलाई १८-१७ अंक प्राप्त गरी बिजयी हुन सफल भएको थियो । बिजयी गण तथा खेलाडीहरुलाई पृतनापतिज्युबाट ट्रफी, मेडल तथा प्रमाण-पत्र बितरण गर्नु भएको थियो ।

३. साथै "पृतनापति ट्रफी २०७५" मा श्री नं.१ बाहिनी अड्डा उत्कृष्ट बाहिनी तथा श्री चण्डिदल गण उत्कृष्ट गण हुन सफल भएको थियो ।

श्री उपत्यका पृतना हे.क्वा.द्वारा ईमाडोलस्थित कमर्शियल स्विमिङ्ग पुलमा सञ्चालन भएको पृतनापति ट्रफी अन्तर्गतको स्विमिङ्ग खेल मिति २०७५ जेष्ठ ०९ गते सफलतापुर्वक सञ्चालन गरिएको थियो । सो खेलको निरिक्षण पृतनापतिज्यू लगायत अन्तर्गतका बाहिनीपतिहरु तथा गणपतिहरुबाट संयुक्त रुपमा गर्नु भएको थियो ।

१. “खेल स्वास्थ्यको लागि, खेल राष्ट्रको लागि” भन्ने बाक्यलाई आत्मसाथ गर्दै श्री उपत्यका पृतना हेडक्वाटरमा मिति २०७५ वैशाख १९ गते उपत्यका पृतनाका पृतनापति उपरथी श्री शशि चन्द्र बहादुर सिंहज्यूले एक समारोह बीच “पृतनापति ट्रफी २०७५” को समुद्घाटन गर्नु भएको छ ।

२. विभिन्न कार्यक्रम सहितको उक्त समुद्घाटन समारोहमा श्री गोरख बहादुर गण र श्री भैरब गणबीच भएको फुटबल खेलमा श्री गोरख बहादुर गणले २-१ को अन्तरले बिजयी हुन सफल भएको थियो ।

आज मिति २०७३ चैत्र १ गते माननीय रक्षा मन्त्री श्री बालकृष्ण खाणले नेपाली सेनाको नारायणहिटीस्थित श्री उत्पयका पृतना हे.क्वा.निरीक्षण गर्नुभएको छ । निरीक्षणको क्रममा वँहाले उक्त पृतना हे.क्वा.को बस्तुस्थितिबारे जानकारी हाँसिल गर्नु भएको थियो । साथै वहाँले नेपाली सेनाको क्षमतामा अभिवृद्धि गरी आधुनिकीकरण गर्न रक्षा मन्त्रालयले सहयोग गर्ने वताउँनु हुँदै नेपाली सेनाले शान्ति सुव्यस्थाको एवं विपद् व्यवस्थापनमा गरेको कार्यहरुको प्रशंसा समेत गर्नु भएको थियो । उक्त भ्रमणमा रक्षा सचिव श्री श्रीधर सापकोटाको समेत उपस्थिति रहेको थियो ।