प्रधान सेनापतिद्वारा नेपाली सेनाका खेलाडीहरुलाई पुरस्कार वितरण

१. आज मिति २०७३ पौष २४ गते प्रधान सेनापति महारथी श्री राजेन्द्र क्षत्रीले सातौं राष्ट्रिय खेलकुद प्रतियोगिताको व्यक्तिगत तथा टिम विधामा विजयी खेलाडीहरु एवं प्रशिक्षकहरुलाई जङ्गी अड्डा परिसरमा एक कार्यक्रमकाबीच पुरस्कार वितरण गर्नु भएको छ ।

२. सातौं राष्ट्रिय खेलकुद प्रतियोगितामा नेपाली सेनाले ऐतिहासिक विजय हासिल गर्न सफल भएको हो । उक्त प्रतियोगिताको विभिन्न विधामा नेपाली सेनाको तर्फबाट ५११ जना खेलाडी तथा ७५ जना व्यवस्थापकीय टोलीहरु सहित जम्मा ५८६ जनाले सहभागीता जनाएका थिए । साथै उक्त प्रतियोगिता अन्तर्गत गत वर्ष सञ्चालन भएको स्वीमिङ्ग तर्फ २५ स्वर्ण, ट्राईथोलन तर्फ ४ स्वर्ण र यस वर्ष संचालन भएको अन्य विविध प्रतियोगिताहरुमा ११३ स्वर्ण गरी नेपाली सेनाका खेलाडीहरुले जम्मा १४२ स्वर्ण, ५९ रजत र ४२ कास्य गरी जम्मा २४३ पदक हासिल गरी समग्रमा सातौं राष्ट्रिय खेलकुद प्रतियोगिताको राष्ट्रिय च्याम्पियन बन्न सफल भएको थियो ।

३. यस प्रकारको राष्ट्रिय स्तरको प्रतियोगितामा पहिलो पटक ऐतिहासिक विजय हासिल गर्न सफल भएकोमा नेपाली सेना गर्व महशुस गर्दछ । साथै आगामी दिनहरुमा समेत उत्कृष्ट खेल प्रदर्शन गरी राष्ट्रिय झण्डा र राष्ट्रिय सम्मानलाई उचाईमा पु¥याई राष्ट्रिय तथा अन्तर्राष्ट्रिय खेल जगतमा नयां आयाम थप गरी खेल जगतलाई अझ उचाईमा पु¥याउने विश्वास नेपाली सेनाले लिएको छ ।

४. उक्त कार्यक्रममा नेपाली सेनाका रथीवृन्द, अधिकृतहरु, सञ्चारकर्मीहरु, विभिन्न खेलका खेलाडी तथा प्रशिक्षकहरु, पदिक तथा अन्यदर्जाको सहभागिता रहेको थियो ।