१. संयुक्त राज्य अमेरिकी Deputy Assistant Secretary of Defense (DASD), Dr. James A. Schear नेपालको चार दिने सद्भावना भ्रमणको लागि हिजो मिति २०६८ भाद्र ३१ गते साँझ नेपाल आइपुग्नु भएको छ । २. भ्रमणको क्रममा उहाँले आज मिति २०६८ आश्विन १ गते बिहान प्रधानसेनापति महारथी श्री छत्र मान सिंह गुरुङ्गलगायत Principle Staff Officers (पि.एस.ओज्.) रथीबृन्दहरुसँग भेटघाट गर्नुभयो । ३. जंगी अड्डामा भएको भेटघाटको DASD, Dr. James A. र प्रधानसेनापति महारथी श्री गुरुङ्ग विच विपद् व्यवस्थापन र राष्ट्र संघिय शान्ति कार्य सम्बन्धि छलफल भएको थियो । प्रधानसेनापति महारथी श्री गुरुङ्गले विपद् व्यवस्थापन सम्बन्धि संयुक्त रुपमा Table Top Exercise लगायत विभिन्न अभ्यासहरु संचालन गरिदै आईरहेको अवगत गराउनुभयो । ४. आजै अपरान्ह उहाँले टोखास्थित सैनिक कमाण्ड तथा स्टाफ कलेजको भ्रमणसमेत गर्नुभयो ।