१. प्रधान सेनापति महारथी श्री प्रभुराम शर्माले आज मिति २०७९ वैशाख १५ गते बारा जिल्ला, अमलेखगञ्जस्थित नेपाली सेनाको श्री प्रतिविद्रोह तथा जंगल वारफेर शिक्षालयको निरीक्षण भ्रमण गर्नु भएको छ । निरीक्षणको दौरान प्रधान सेनापति महारथी शर्माले उक्त शिक्षालयको वस्तुस्थिती लगायत विविध पक्षबारे जानकारी लिनु भई शिक्षालयद्वारा तयार गरिएको डेमोन्स्ट्रेशनको अवलोकन, सकलदर्जालाई सम्बोधन तथा "श्री प्रतिविद्रोह तथा जंगल वारफेर शिक्षालयको स्मारिका-२०७८" विमोचन समेत गर्नु भएको थियो ।
२. भ्रमणकै क्रममा, प्रधान सेनापति महारथी शर्माले नेपाली सेनाद्वारा, आसन्न "स्थानीय तह निर्वाचन-२०७९" को सुरक्षामा केन्द्रित रही बारा जिल्लास्थित महागढीमाई ईलाकामा स्थापना गरेको Company Operating Base (COB) को निरीक्षण गर्नु भएको थियो । निरीक्षणको क्रममा वहाँले उक्त COB को वस्तुस्थितीलगायत विविध पक्षबारे जानकारी लिनु भई सकलदर्जालाई सम्बोधन गर्नु भएको थियो ।